මෙම වසර තුළදී දුම්රිය ගමන් සඳහා විද්‍යුත් ප්‍රවේශපත්‍ර ක්‍රමයක් හඳුන්වාදීමට දුම්රිය දෙපාර්තමේන්තුව සැලසුම් කර තිබෙනවා.
එය ආසියානු සංවර්ධන බැංකුවේ ව්‍යාපෘතියක් ලෙස ඩොලර් මිලියන 19ක වියදමින් ක්‍රියාත්මක කරන බවයි දුම්රිය දෙපාර්තමේන්තුව පැවසුවේ.
කලක සිට ක්‍රියාත්මක නොවූ මෙම ව්‍යාපෘතියේ කටයුතු කඩිනම් කරන ලෙස ප්‍රවාහන, මහාමාර්ග හා ජනමාධ්‍ය අමාත්‍ය බන්දුල ගුණවර්ධන අදාළ බලධාරීන්ට උපදෙස් ලබා දී තිබෙනවා.
එහි පළමු අදියරේදී ඉදිරි මාස 5 තුළ දුම්රිය ප්‍රවේශපත්‍ර සඳහා QR කේතය හඳුන්වා දීමට සැලසුම් කර ඇති බවයි වාර්තා වන්නේ.