කොළඹ ඇතුළු තදාසන්න ප්‍රදේශ කිහිපයකට හෙට (27) ජල කප්පාදුවක් සිදුකරන බව ජාතික ජල සම්පාදන හා ජලාපවහන මණ්ඩලය පවසනවා.
ඔවුන් පවසන්නේ මෙම ජල කප්පාදුව හෙට (27) පස්වරු 5 සිට අනිද්දා (28) පෙරවරු 7 දක්වා පැය 14ක කාලයක් බලපැවැත්වෙනු ඇති බවයි.
ඒ අනුව කොළඹ 05 සහ 06, දෙහිවල, ගල්කිස්ස සහ මොරටුව නගර සභා බල ප්‍රදේශ ජයන්තිපුර, පැලවත්ත යන ප්‍රදේශ සඳහා මෙලෙස ජල සැපයුම අත්හිටුවනු ඇති.
අඹතලේ ජල පවිත්‍රාගාරයේ සිදුකරනු ලබන අත්‍යවශ්‍ය නඩත්තු කටයුත්තක් හේතුවෙන් මෙම ජල කප්පාදුව සිදු කිරීමට නියමිතයි.