රඹුක්කන ප්‍රදේශයේ හෝටලයක නාන තටාකයට වැටී ඊයේ (07) පස්වරුවේ පුද්ගලයෙක් ජීවිතක්ෂයට පත්ව තිබෙනවා.
රඹුක්කන පොලිස් වසමේ කඩිගමුව, ලබුගොල්ලවත්ත ප්‍රදේශයේ පිහිටි හෝටලයක නාන තටාකයකට වැටී මෙම පුද්ගලයා මියගොස් ඇති බවයි පොලීසිය පවසන්නේ.
මෙලෙස ජීවිතක්ෂයට පත්ව ඇත්තේ එම හෝටලයේම සේවය කරන සේවකයෙක් බවයි අනාවරණය වී ඇත්තේ.
මොහු 37 හැවිරිදි පන්විල ප්‍රදේශයේ පදිංචිකරුවෙක් වන අතර මෘත ශරීරය පශ්චාත් මරණ පරීක්ෂණය සඳහා පේරාදෙණිය රෝහලට යොමුකර තිබෙනවා.