අයහපත් කාලගුණය හේතුවෙන් පුත්තලම – මාරවිල මාර්ගයේ සහ මාදම්පේ ප්රදේශයේදී විශාල ගස් දෙකක් මාර්ගයට කඩා වැටීමෙන් කාන්තාවන් දෙදෙනෙකු මියගොස් පුද්ගලයෙකු තුවාල ලබා තිබෙනවා.
මාරවිල පොලිසිය පැවසුවේ පිරාකමුල්ල ප්රදේශයේදී මාර්ගයේ ගමන් ගත් යතුරුපැදියක් මතට දැවැන්ත ගසක් කඩා වැටීමෙන් යතුරුපැදියේ ගමන් ගත් කාන්තාවක් මිය ගොස් තවත් පුද්ගලයෙකු තුවාල ලබා ඇති බවයි.
පුත්තලම සහ නාත්තන්ඩිය – උඩුවල පාර ප්රදේශයේ පදිංචි 36 හැවිරිදි හංසි ඉෂාරා මෙලෙස මිය ගොස් තිබෙනවා.
මේ අතර මාදම්පේ – කුලියාපිටිය මාර්ගයේ සුදුවැල්ල ප්රදේශයේදී ගසක් කඩා වැටීමෙන් මාර්ගයේ ගමන් කළ කාන්තාවක් ජීවිතක්ෂයට පත්වුණා.
දුම්මලසූරිය ප්රදේශයේ පදිංචි 38 හැවිරිදි නිසංසලා සරෝජනී මෙම විපතට මුහුණ දී තිබෙනවා.
මෙම සිද්ධිය සම්බන්ධයෙන් මාරවිල සහ මාදම්බ්පේ පොලිසිය වැඩිදුර පරීක්ෂණ පවත්වනු ලබනවා.