මන්ත්‍රී රංජිත් මද්දුමබණ්ඩාරගෙන් අධිකරණ ඇමැතිට ලිපියක්
ලො‍හාන් රත්වත්තේ මහතා වැලිකඩ හා අනුරාධපුර බන්ධනාගාරවලට පැමිණ සිටි සීසීටිවී දර්ශන නොපමාව සංරක්ෂණය කොට ඒ අවස්ථාවන්හි රාජකාරියේ නියුතු බන්ධනාගාර නිලධාරීන්ට බලපෑම් එල්ල නොවන පරිදි අවශ්‍ය පියවර ගන්නැයි ඉල්ලමින් සමඟි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා අධිකරණ අමාත්‍ය එම්. යූ. එම් අලි සබ්රී මහතාට ලිපියක් යොමු කර තිබේ.
එක්සත් ජාතීන්ගේ මහ සමුළුව රැස්වෙන මොහොතක හිටපු රාජ්‍ය ඇමතිවරයාගේ අනීතික හැසිරීම රටට සිදු වූ බරපතළ අවමානයක් වන නිසා ඒ සම්බන්ධයෙන් වහාම අපක්ෂපාතී පරීක්ෂණයක් පවත්වන ලෙස ද සජබ මහලේකම්වරයා සිය ලිපියෙන් ඉල්ලීමක් කර ඇත.
පහන් විජේසේකර