ඉතා රහසිගතව සූක්ෂම ලෙස ගංජා හේනක් කරගෙන ගිය අයෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
විශේෂ කාර්ය බලකාය හම්බන්තොට කඳවුරේ නිලධාරීන්ට ලද තොරතුරකට අනුව පසුගියදා (30) තිස්සමහාරම පොලිස් වසමේ 03 කොළණිය, කුඩා ගම්මානය, බෙරලිපොල ප්‍රදේශයේදී වැටලීමක් සිදුකර ඇත.
එහිදී ඉතා රහසිගතව සූක්ෂමව නීතිවිරෝධී ලෙස අක්කර ½ ක පමණ භූමි ප්‍රදේශයක වගා කරන ලද ගංජා ගස් 3,000 ක් පමණ වන ගංජා හේනක් සමඟ 03 කොළණිය, කුඩා ගම්මානය, බෙරලිපොල ප්‍රදේශයේ පදිංචි වයස අවුරුදු 35 ක් වන යුධ හමුදා විශේෂ බලකායේ සේවය කර පලා ආ පුද්ගලයකු අත්අඩංගුවට ගෙන තිබෙනවා.
වැඩිදුර විමර්ශන කටයුතු සඳහා ගංජා ගස් 10 ක් තිස්සමහාරම පොලිස් ස්ථානය වෙත භාර දී ඇති අතර ඉතිරි ගංජා ගස් සියල්ල ගිනි තබා විනාශ කළ බවයි විශේෂ කාර්ය බලකාය පවසන්නේ.