මේ අවස්ථාවේදී පාන් සහ බේකරි නිෂ්පාදනවල මිල පහළ දැමීමේ හැකියාවක් නොමැති බව බේකරි හිමියන්ගේ සංගමය පවසනවා.
අද (05) පැවති මාධ්‍ය හමුවකට එක්වෙමින් එහි සභාපති එන්.කේ. ජයවර්ධන මේ බව ප්‍රකාශ කළා.
එහිදී වැඩිදුරටත් අදහස් දක්වමින් ඔහු කියා සිටියේ ගෑස් මිල අඩු කළ පමණින් සිය නිෂ්පාදනවල මිල ගණන් පහත දැමිය නොහැකි බවයි.
අමුද්‍රව්‍ය මිල තවදුරටත් ඉහළ මට්ටමක පවතින බැවින් මෙම අවස්ථාවේදී බේකරි නිෂ්පාදනවල මිල පහළ දැමිය නොහැකි බව ඔහු මෙම මාධ්‍ය හමුවේදී සඳහන් කළා.