බූස්ස අධි ආරක්ෂිත බන්ධනාගාරය තුළ සිදු කළ හදිසි වැටලීමකදී නවීන පන්නයේ ජංගම දුරකථනයක් සහ දුරකථන උපාංග තොගයක් විශේෂ කාර්ය බලකා නිලධාරීන් විසින් අත්අඩංගුවට ගෙන තිබෙනවා.
විශේෂ කාර්ය බලකාය බූස්ස බන්ධනාගාර කඳවුරේ නිලධාරීන්ට ලද තොරතුරකට අනුව ඊයේ (07) බූස්ස අධි ආරක්ෂිත බන්ධනාගාරයේ රෝහල සහ ඒ අවට ප්‍රදේශය තුළ හදිසි සෝදිසි කිරීමක් සිදුකර ඇත.
එහිදී රෝහල සහ ඒ අවට ප්‍රදේශයේ තිබී නවීන පන්නයේ ජංගම දුරකථනයක් සහ එම අමතර උපාංග සමඟ සිමෙන්ති හා පොටි අඩංගුව තිබූ පාර්සලයක් අත්අඩංගුවට ගෙන වැඩිදුර විමර්ශන කටයුතු සඳහා බන්ධනාගාර පාලනාධිකාරිය වෙත භාර දී තිබෙනවා.