මධ්‍යම පරිසර අධිකාරිය, පරිසර පොලිස් ඒකකය සහ පාරිභෝගික කටයුතු පිළිබඳ අධිකාරිය සමග ඒකාබද්ධ ව සිදු කළ වැටලීමකදී නීතිවිරෝධී පොලිතීන් වර්ගයක් වන ‘ලන්ච් ෂීට්’ තොගයක් අත්අඩංගුවට ගෙන තිබෙනවා.
වැල්ලම්පිටිය ප්‍රදේශයේදී සිදු කළ මෙම මෙහෙයුමෙන් ලන්ච් ශීට් කිලෝග්‍රෑම් 7,672 ග්‍රෑම් 35ක පමණ ප්‍රමාණයක් සොයාගත් බවයි පොලීසිය පවසන්නේ.
වැල්ලම්පිටිය, වෙලේවත්ත ප්‍රදේශයේ කර්මාන්තශාලාවකයි මෙම ලන්ච් ශීට් තොගය නිපදවා ඇත්තේ.
පාරිභෝගික සේවා අධිකාරිය කිලෝග්‍රෑම් 2,505ක ප්‍රමාණයක් වූ ලන්ච්ෂීට් පැකට් තොගය අත්අඩංගුවට ගත් අතර අනෙක් ලන්ච් ෂීට් තොගය කර්මාන්තශාලා පරිශ්‍රය තුළම මුද්‍රා තබා අදාළ ඉදිරි නීතිමය කටයුතු සඳහා ගෙන ගොස් තිබෙනවා.