අපවත් වී වදාළ කොළඹ හුණුපිටිය ගංගාරාම විහාරාධිපති පූජ්‍ය ගලබොඩ ඥාණිස්සර නායක හිමිපාණන් වහන්සේගේ ආදාහන පූජෝත්සවය අද (05) සිදු කිරීමට නියමිතයි.
හුණුපිටිය ගංගාරාම විහාරස්ථානයට යාබද ක්‍රීඩාංගණයේ අද පස්වරු 4.30ට රාජ්‍ය ගෞරව සහිතව ආදාහන පූජෝත්සවය පැවැත්වීමටයි කටයුතු යොදා ඇත්තේ.
ඊයේ පස්වරුවේ කොළඹ හුණුපිටිය ගංගාරාම විහාරස්ථානය වෙත පැමිණි ජනාධිපති රනිල් වික්‍රමසිංහ සහ මහාචාර්ය මෛත්‍රී වික්‍රමසිංහ උන්වහන්සේගේ දේහයට අවසන් ගෞරව දක්වනු ලැබුවා.
ආදාහන පූජෝත්සවය හේතුවෙන් විශේෂ රථවාහන සැලැස්මක් ද ක්‍රියාත්මක කර ඇති බවයි පොලීසිය පැවසුවේ.