ජනාධිපතිවරණයට අදාළව නාමයෝජනා භාරගන්නා ලබන 15 වැනිදා මැතිවරණ කොමිසමට සහ ඒ අවට ප්‍රදේශවලට විශේෂ පොලිස් ආරක්ෂාවක් යොදවන බව මැතිවරණ කොමිසමේ සභාපති ආනන්ද රත්නායක පවසනවා.
එදින මැතිවරණ කාර්යාලයේ ආරක්ෂාව සඳහා විශේෂ රථවාහන සැළැස්මක්ද ක්‍රියාත්මක කර ඇති අතර පොලිසිය සහ පොලිස් විශේෂ කාර්ය බලකායේ 1,500 ක පමණ පිරිසක් ආරක්ෂාව සඳහා යෙදවීමට සැලසුම් කර තිබෙනවා.
ඒ අනුව ඩ්‍රෝන කැමරා, ස්නයිපර් තුවක්කුකරුවන් එම ප්‍රදේශය අවට ගොඩනැගිලිවල ආරක්ෂාවට යොදවන බව පොලිස් ආරංචි මාර්ග සඳහන් කරනවා.
මැතිවරණ කොමිසමට පැමිණෙන රථවාහන වෙනුවෙන් ඒ, බී, සී, වශයෙන් බලපත්‍ර 3 ක් නිකුත් කරනු ලබන අතර එම බලපත්‍රයෙන් අපේක්ෂකයාට පමණක් සිය වාහනයෙන් මැතිවරණ කාර්යාලයට පැමිණීමට අවස්ථාව හිමිවනවා.