සැප්තැම්බර් මස 21 වැනිදා පැවැත්වීමට නියමිත ජනාධිපතිවරණය සඳහා තැපැල් ඡන්ද ප්‍රකාශ කිරීම සඳහා ඡන්ද දායකයින් ලක්ෂ 07 කට අධික පිරිසක් සුදුසුකම් ලබා ඇති බව මැතිවරණ කොමිෂන් සභාව පවසනවා.
කෙසේනමුත් මෙය පසුගිය ජනාධිපතිවරණය සහ මහ මැතිවරණයේදී තැපැල් ඡන්ද සලකුණු කිරීමට සුදුසුකම් ලැබූ පිරිස ඉක්මවා යාමක් බවයි මැතිවරණ කොමිසම පවසන්නේ.
මෙලෙස තැපැල් ඡන්දය ප්‍රකාශ කිරීම සඳහා සුදුසුකම් ලැබූ ලක්ෂ 07 අතරට පොලීසිය, ත්‍රිවිධ හමුදාව ඇතුළු රාජ්‍ය නිලධාරීන් අයත්.
ජනාධිපතිවරණය සඳහා තැපැල් ඡන්ද සලකුණු කිරීම සඳහා සැප්තැම්බර් මස 05 හා 06 යන දින දෙක වෙන්කර තිබෙනවා.
එම දිනවල තැපැල් ඡන්දය ප්‍රකාශ කිරීමට නොහැකි වන රාජ්‍ය සේවකයින්ට සැප්තැම්බර් 11 සහ 12 දෙදින තැපැල් ඡන්ද සලකුණු කිරීම සඳහා වෙන් කර ඇති බවයි මැතිවරණ කොමිසම වැඩිදුරටත් කියා සිටියේ.