නැවත වරක් බාල බෙහෙත් ගෙන්වීම සඳහා සකස් කළ කැබිනට් පත්‍රිකාවට සම්බන්ධ සියලු නිලධාරීන් නීතිය හමුවට පමුණුවන්නැයි විශේෂඥ වෛද්‍ය චමල් සංජීව පවසනවා.
ඔහු මේ බව කියා සිටියේ අද (29) තවත් ඖෂධ මගඩියක් පිළිබඳ හෙළිදරවු කිරීම සඳහා කැඳවා තිබූ මාධ්‍ය හමුව අමතමිනි.
එහිදී වැඩිදුරටත් අදහස් දක්වමින් වෛද්‍යවරයා කියා සිටියේ හිටපු සෞඛ්‍ය අමාත්‍ය කෙහෙළිය රඹුක්වැල්ල කැබිනට් මණ්ඩලය නොමඟ යවමින් ප්‍රශ්න සහගත සංඛ්‍යාලේඛන සහ දත්ත මත කැබිනට් පත්‍රිකාවක් ඉදිරිපත් කළ අන්දමටම වර්තමාන සෞඛ්‍ය අමාත්‍ය පතිරණ ද කටයුතු කරන බවයි.
ශ්‍රී ලංකාව තුළ ප්‍රමාණවත් ඖෂධ සැපයුම්කරුවෝ සිටියදී සහ සෞඛ්‍ය අමාත්‍යාංශය හෝ ඖෂධ නියාමන අධිකාරිය සිදුවන ප්‍රමාදයන් මත ඖෂද සැපයුම් ජාලය අවුල් වී ඇති තත්වයක් මත ඖෂධ හිඟයක් ඇති බව සඳහන් කරමින් හා ප්‍රමිතියෙන් තොර ඖෂධ ගෙන්වීමට දරණ වෑයම හිටපු සෞඛ්‍ය අමාත්‍යවරයා සිදුකළ ජාවාරමට සමාන බව ඔහු අවධාරණය කළේ.
දැනටමත් ඇතැම් ඉන්දියානු සමාගම් ඖෂධ සැපයීමට තෝරාගෙන කිහිපදෙනෙකු ඒවායේ සංචාරය කොට ඇති බවත් කැබිනට් අනුමැතිය ලැබීමටත් පෙර මේ අන්දමට සමාගම් තෝරා ගැනීම නීතිවිරෝධී වන බැවින් හා මෙම ලේඛන සකස් කළ සියලු නිලධාරින් අනිවාර්යෙන්ම නීතිය හමුවට පැමිණීමට කටයුතු කළ යුතු බව ඔහු පැවසුවා.