වසරේ මේ දක්වා කාලය තුළ විදේශීය සංචාරකයින් ලක්ෂ 14කට ආසන්න පිරිසක් මෙරටට පැමිණ තිබෙනවා.
සංචාරක සංවර්ධන අධිකාරිය පවසන්නේ ජනවාරි 1 වැනිදා සිට සැප්තැම්බර් 8 වැනිදා දක්වා කාලය තුළ ශ්‍රී ලංකාවට පැමිණි මුළු සංචාරකයින් සංඛ්‍යාව 1,395,773ක් බවයි.
ඒ අනුව පසුගිය පෙබරවාරි මාසයේදී වැඩිම සංචාරකයින් පිරිසක් මෙරටට පැමිණ ඇති අතර එම සංඛ්‍යාව 218,350 කි.
එමෙන්ම ජනවාරි සහ මාර්තු මාසවල සංචාරකයන් දෙලක්ෂයකට වැඩි පිරිසක් මෙරටට පැමිණ ඇති බවයි සංචාරක සංවර්ධන අධිකාරියේ දත්ත වාර්තා පෙන්වා දෙන්නේ.
ඉන්දියාව, බ්‍රිතාන්‍යය, රුසියාව, ජර්මනිය සහ චීනය යන රටවලින් වැඩි වශයෙන් සංචාරකයින් මෙරටට පැමිණ තිබෙනවා.