රාජ්‍ය අමාත්‍ය ඉන්දික අනුරුද්ධ මහතාගේ ලේකම්වරයෙකු විසින් ඊයේ පහරදීමක් සිදුකර ඇති පුවතක් වාර්තා වනවා.
කොටදෙණියාව ප්‍රදේශයේ සමූපාකාර ඉන්ධන පිරවුම්හලකින් ඉන්ධන ලබාගැනීමට පැමිණ තිබෙනවා.
ඒ වනවිටත් රාත්‍රී 10 පසුවී තිබීම නිසා අදාල ඉන්ධන පිරවුම්හල වසා තබා තිබී තිබෙනවා.
නමුත් ඒ වනවිටත් පසුවදා ඉන්ධන පිරවුම්හල විවෘත කළ පසු ඉන්ධන ලබාගැනීමේ අරමුණින් මිනිසුන් පිරිසක් පෝලිම්වල සිට ඇති බවයි තොරතුරු වාර්තා කරන්නේ.
එම ස්ථානයට පැමිණි ලේකම්වරයා අදාල ප්‍රදේශයට සිටින සමූපාකාර සභාපතිවරයා අමතා අදාල ඉන්ධන පිරවුම්හල විවෘත කරගෙන ඔහුගේ වාහනයට ඉන්ධන ලබාගෙන තිබෙනවා.
සාමාන්‍ය මිනිසුන්ට එක නීතියකුත් ප්‍රබලයන්ට වෙනත් නීතියකුත් ඇති බව නැවත නැවතත් සිහි කැදවමින් ඔහුට විශේෂ සැලකිලි මත ඉන්ධන ලබාදෙද්දී දුක් විදින මිනිසුන් ඒ වෙනුවෙන් හඬ නගා තිබෙනවා.
ඒ හේතුවෙන් රාජ්‍ය අමාත්‍ය ඉන්දික අනුරුද්ධගේ අදාල ලේකම්වරයා සහ ගෝලයින් විසින් එම මිනිසුන්ට පහරදී තිබෙනවා.
පහරදීම් හමුවේ ඇතැම් පුද්ගලයින් පලා යද්දී එක් පුද්ගලයෙකුට අමානුෂික ලෙස පහරදී ඇති අතර ඔහුගේ වාහනයටද පහරදීම සිදුකර තිබෙනවා.
සමූපාකාර සභාපතිවරයෙකුට තම හිතූ මනාපයට අදාල කොන්දේසිවලින් බැහැරව මෙලෙස ඉන්ධන පිරවුම්හල් විවෘත කර වැඩ කටයුතු කළ හැකිද..?
සමූපාකාර කොමසාරිස්තුමනි, බස්නාහිර පළාත් ආණ්ඩුකාරතුමනි මේ පිළිබඳව සොයා බැලීම ඔබ සතු වගකීමකි.
එසේ පවතිද්දී මේ පිළිබඳව විමර්ශන සිදුකරන කොටදෙණියා පොලිසිය විසින් අදාල ලේකම්වරයාගෙන් හා ඔහු සමග පැමිණි පිරිසගෙන් ගුටි කෑ පුද්ගලයාගේ පැමිණිල්ල සටහන් කරගන්නේ අද උදෑසන 10 ට පමණ වීමද කණගාටුවට කරුණකි.
මෙම ඉන්ධන පිරවුම්හලේ සීසීටීවී දර්ශන තිබුණත් කොටදෙණියාව පොලිසිය පවසන්නේ සති දෙකක පමණ කාලයක සිට එම සීසීටීවී දර්ශන ක්‍රියාවිරහිතව පවතින බව පැවසූ බවයි.
ස්ථානාධිපතිවරයා එසේ පවසද්දී සමූපාකාර සභාපතිවරයා පවසන්නේ සීසීටීවී දර්ශන ඇති බවයි.
මොවුන් දෙදෙනාගෙන් ඇත්ත පවසන්නේ කවුද..? සාක්ෂි වෙනස් කිරීමට අවශ්‍යතාවයට ඇත්තේ කාටද යන්න ප්‍රශ්නයකි..
සමූපාකාරය භාර සභාපතිවරයා වසා තිබූ ඉන්ධන පිරවුම්හල ඇමතිවරයාගේ ලේකම්වරයාට විශේෂ වරප්‍රසාද ලබාදෙමින් විවෘත කර දෙන පසුබිමක සීසීටීවී ක්‍රියාවිරහිත වීම පුදුමයට කරුණක් නොවන බවයි පහරකෑ පුද්ගලයා සහ ප්‍රදේශවාසීන් පවසන්නේ.
එක රටක් රක නීතියක් තිබෙනා බව පවසන රටක කොටදෙණියාව පොලිසිය මේ පිළිබඳව නිසි පරීක්ෂණයක් සිදු නොකිරීම හරහා පොලිස් දෙපාර්තමේන්තුවට නැවත වරක් ඇගිල්ල දිගු වීම වලක්වා ගත නොහැකි බවයි සිදුවීම සම්බන්ධයෙන් අදහස් දැක්වූ පුද්ගලයන් පැවසුවේ.
මෙම පහරදීමට සම්බන්ධ ලේකම්වරයා විසින් මීට පෙරද ප්‍රාදේශීය සභා මන්ත්‍රීවරයෙකුට පහරදීමේ පුවතක්ද වාර්තා වුණා.
වහපු ෂෙඩ් එක VIP සැලකිල්ලට විවෘත කරලා චණ්ඩි පාට් දාපු රාජ්‍ය ඇමති ඉන්දිකගේ ලේකම්
