ගල්කිස්ස පොලිස් වසමේ සම්භාහන මධ්යස්ථානයක් මුවාවෙන් පවත්වාගෙන ගිය ගණිකා නිවාස 02 ක් වටලා සැකකාරියන් 05 දෙනෙක් අත්අඩංගුවට ගෙන තිබේ.
ගල්කිස්ස කොට්ඨාශ අපරාධ විමර්ශන කාර්යාංශයේ නිලධාරීන්ට ලද තොරතුරක් මත මෙම වැටලීම සිදුකර ඇති අතර අත් අඩංගුවට ගත් සැකකාරියන් ගල්කිස්ස පොලිස් ස්ථානය වෙත ඉදිරිපත් කර ඇත.
මෙම සැකකාරියන් අවුරුදු 20 – 40 යන වයස්වල පසුවන මින්නේරිය, දෙනියාය, මහියංගනය, පාදුක්ක හා මනම්පිටිය ප්රදේශවල පදිංචිකාරියන් බව පොලීසිය පවසයි.
සැකකාරියන් අද (29) ගල්කිස්ස මහේස්ත්රාත් අධිකරණය වෙත ඉදිරිපත් කිරීමට නියමිතය. ගල්කිස්ස පොලිසිය වැඩිදුර විමර්ශන සිදු කරනු ලබයි.