කොළඹ සිට යාපනය දක්වා ධාවනය වූ අධිසුඛෝපභෝගී බස් රථයක් අද (18) අලුයම කොඩිකාමම් ප්‍රදේශයේදී ට්‍රැක්ටරයක ගැටීමෙන් සිදුවූ අනතුරේදී තිදෙනෙකු තුවාල ලබා රෝහල්ගත කර ඇති බව කොඩිකාමම් පොලීසිය පවසයි.
අනතුර යාපනය කොඩිකාමම් ප්‍රාදේශීය රෝහල අසලදී මාර්ගයේ ධාවනය වූ කුඩා ට්‍රැක්ටරයක ගැටීමෙන් සිදුව ඇති අතර, තුවාල ලැබූ අය යාපනය ශික්ෂණ රෝහලට ඇතුළත් කර ඇත. ඉන් දෙදෙනෙකුගේ තත්ත්වය බරපතල බව පොලීසිය සඳහන් කළේය.
අනතුරට හේතුව මෙතෙක් අනාවරණය වී නොමැති අතර, කොඩිකාමම් පොලීසිය මෙහෙයුම් පිළිබඳ වැඩිදුර පරීක්ෂණ සිදුකරයි.