ශ්‍රී ලංකා ගමනාගමන මණ්ඩලයේ ඉවත් කරන ලද බස් රථවල අමතර කොටස් සහ පරණ යකඩ අලෙවි කිරීමට තීරණය කර තිබෙනවා.
ලංගම බස් ඩිපෝ පරිශ්‍ර තුළ තැන් තැන්වල පරණ යකඩ ගොඩගසා ඇති බව ප්‍රවාහන හා මහාමාර්ග නියෝජ්‍ය අමාත්‍ය ප්‍රසන්න කුමාර ගුණසේන පවසනවා.
ඩිපෝවල පිරිසිදුකම පවත්වාගෙන යාමට මෙය විශාල බාධාවක් වී ඇති බවයි නියෝජ්‍ය අමාත්‍යවරයා සදහන් කළේ.
ක්‍රමානුකූල ටෙන්ඩර් ක්‍රියාවලියක් හරහා එම සියලුම පරණ යකඩ අලෙවි කිරීමට තීරණය කර ඇති අතර, එලෙස අලෙවියෙන් ලැබෙන ආදායම ඩිපෝ නවීකරණය සඳහා යොදවන බව ද ඔහු වැඩිදුරටත් සඳහන් කර සිටියා