කට්කුවාරි, මාන්කුලම ප්‍රදේශයේදී කුඩා පිරිමි දරුවෙකු ඖෂධයක් විෂ වී මිය ගොස් තිබේ. මියගිය දරුවා වයස අවුරුදු එක හමාරක් වූ කට්කුවාරි, මාන්කුලම් ප්‍රදේශයේ පදිංචිකරුවෙකි.
විමර්ශනවලින් හෙළි වී ඇත්තේ මෙම කුඩා දරුවා ඔහුගේ මිත්තණිය අසනීප තත්ත්වයක් සඳහා භාවිත කරන ඖෂධ පෙති ගිල දමා ඇති බවයි. පසුගිය 04 වනදා සවස් කාලයේදී දරුවා ප්‍රතිකාර සඳහා කිලිනොච්චිය රෝහලට ඇතුළත් කර ඇති අතර, එහිදී ඔහු මිය ගොස් ඇත.
මෘත දේහය පශ්චාත් මරණ පරීක්ෂණයෙන් අනතුරුව දෙමාපියන්ට භාර දී ඇත. මාන්කුලම් පොලීසිය මේ සම්බන්ධයෙන් වැඩිදුර විමර්ශන පවත්වාගෙන යයි.