ගණේමුල්ල සංජීව ඝාතන සිද්ධියට අදාළව රක්ෂිත බන්ධනාගාරගත කර සිටින සැකකරුවන් 9 දෙනා සම්බන්ධ නඩුව ස්කයිප් තාක්ෂණය ඔස්සේ අද (07) කැඳවීමට අවශ්ය පියවර ගන්නා මෙන් කොළඹ ප්රධාන මහෙස්ත්රාත් තනූජා ලක්මාලි මහත්මිය නියෝග කර තිබේ.
බන්ධනාගාරගත කර සිටින අදාළ සැකකරුවන් අධිකරණය වෙත රැගෙන ඒමේදී මතුවිය හැකි අනාරක්ෂිත තත්ත්වය සැලකිල්ලට ගනිමින් මහෙස්ත්රාත්වරිය මෙම නියෝගය නිකුත් කර ඇති බව වාර්තා වේ. මෙම නියෝගය ප්රධාන මහෙස්ත්රාත්වරිය විසින් අධිකරණයේ ලේඛකාධිකාරීවරිය වෙත නිකුත් කර ඇත.
ඊට අවශ්ය කටයුතු සූදානම් කරන ලෙස අධිකරණයේ ලේඛකාධිකාරිවරිය විසින් බන්ධනාගාර නිලධාරීන්ටද දැනුම්දී තිබේ.