එළැඹෙන සිංහල දෙමළ අලුත් අවුරුද්ද වෙනුවෙන් ගම්බිම් බලා පිටත්ව යන මගීන්ගේ පහසුව සඳහා ලබන 11 වැනිදා සිට විශේෂ දුම්රිය සේවයක් ක්රියාත්මක කිරීමට දුම්රිය දෙපාර්තමේන්තුව සැලසුම් කර තිබේ.
දුම්රිය දෙපාර්තමේන්තුව සඳහන් කළේ මෙම විශේෂ දුම්රිය සේවය අදියර දෙකක් යටතේ ක්රියාත්මක කරන බවයි.
ලබන 11, 12 සහ 13 යන දිනවල කොළඹ සිට බදුල්ල, අනුරාධපුර, ගාල්ල, නුවර සහ බෙලිඅත්ත යන ප්රදේශ සඳහා විශේෂ දුම්රිය යෙදවීමට පියවර ගෙන තිබේ.
දුම්රිය දෙපාර්තමේන්තුවේ සඳහන් කළ පරිදි, අවුරුදු චාරිත්ර අවසන් කර නැවත කොළඹ බලා පැමිණෙන ජනතාව වෙනුවෙන් ලබන 18, 19 සහ 20 යන දිනන්හිදී විශේෂ දුම්රිය ක්රියාත්මක කෙරේ.
මේ අතර, ලංකා ගමනාගමන මණ්ඩලය ද අලුත් අවුරුද්ද වෙනුවෙන් ගම්බිම් බලා පිටත්ව යන ජනතාව සඳහා ලබන 09 වැනිදා සිට අතිරේක බස් රථ 500ක් යෙදවීමට සැලසුම් කර තිබේ.