පැපුවා නිව්ගිනියාව අසල රිච්ටර් මාපකයේ 6.9 ක ප්‍රබල භූමිකම්පාවක් ඇති වූ බව එක්සත් ජනපද භූවිද්‍යා සමීක්ෂණ ආයතනය (USGS) වාර්තා කරයි.
මෙම සිදුවීම සිදුවී ඇත්තේ පැපුවා නිව්ගිනියාවේ වේලාවට අනුව අද (5) උදෑසන ය. භූමිකම්පාවේ කේන්ද්‍රය පිහිටා තිබුණේ රටට බටහිරින් පිහිටි නව බ්‍රිතාන්‍ය දූපත ආසන්නයේ ය.
එම දූපතේ අගනුවර වන කිම්බේ (Kimbe) නගරයට කිලෝමීටර් 194 ක් ගිනිකොන දෙසින් මෙම භූමිකම්පාව ඇති විය. භූමිකම්පාවෙන් පසුව රිච්ටර් මාපකයේ 5.3 ක පසුකම්පනයක් ඇතුළුව තවත් පසුකම්පන කිහිපයක්ද ඇති වූ බව USGS දත්තවල සඳහන් වේ.
මෙම භූමිකම්පාව හේතුවෙන් වෙරළබඩ ප්‍රදේශවලට සුනාමි තරංග ඇති විය හැකි බවට ආයතනය පුරෝකථනය කරමින් පැපුවා නිව්ගිනියාවට සුනාමි අනතුරු ඇඟවීම් නිකුත් කළේය. කෙසේ වෙතත්, පසුව මෙම අනතුරු ඇඟවීම අවලංගු කරන ලදී.