ජනතාව මුහුණ දෙන අර්බුදවලට ජනාධිපති ගෝඨාභය රාජපක්ෂ ජනතාවගෙන් සමාව ඉල්ලිය යුතු බව ලක්ෂ්මන් කිරිඇල්ල පවසයි.
ඔහු මේ බව ප්‍රකාශ කළේ අද (07) පාර්ලිමේන්තුව අමතමිනි. එහිදී වැඩිදුරටත් අදහස් දැක්වූ හෙතෙම මෙසේද කීය.
“හරි නම් ජනාධිපතිවරයා ජනතාවගෙන් සමාව ගන්න ඕන මේ දුෂ්කරතා ඇති කෙරුවාට. ව්‍යවස්ථාවේ 27 වන වගන්තියේ ජනතාවට අවශ්‍ය ආහාර පාන ඇඳුම් පැළඳුම් ඒ වගේම නිවාස ලබා දීමට එතුමාට වගකීමක් තියෙනවා.
ඉන්දියාවේ මෝදි අගමැතිතුමා පනතක් ගෙනාවා ගොවි ඉඩම් සමාගමවලට දෙන්න පනතක් ගෙනාවා. මුළු ඉන්දියාව පුරාවම උද්ඝෝෂණ ලංකාව පුරා ම ගොවි උද්ඝෝෂණ කාලේ එතුමා ඡන්දයක් තිබ්බා ප්‍රාන්ත 5න් 4ක් ඔහු පැරදුනා. පසුව එතුමා ඒ පනත් සියල්ල ඉල්ලා අස් කර ගෙන ගොවිජනතාවගෙන් සමාව ගත්තා. ඒ ආදර්ශය අපේ ජනාධිපතිතුමාට පිළිපදින්න පුළුවන්.”