ඉල්ලීම් කිහිපයක් මත පදනම්ව තැපැල් සේවකයින් විසින් වෘත්තීය සමිති ක්‍රියාමාර්ගයක් අද (15) මධ්‍යම රාත්‍රියේ සිට ආරම්භ කිරීමට තීරණය කර ඇත.
අතිකාල සේවා වර්ජනය ආරම්භ වේ
ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර මහතා පවසා ඇත්තේ, තැපැල් දෙපාර්තමේන්තුවේ වර්තමානයේ තිබෙන බරපතළ තත්ත්වය හමුවේ මෙම තීරණය ගැනීමට සිදුවූ බවයි.
පාලන කාර්යාලවල අර්බුදය
විශේෂයෙන්ම, පාලන කාර්යාල සේවකයින්ගේ අතිකාල සීමා කිරීම නිසා ඔවුන් අතිශයින් පීඩනයට පත්ව ඇති අතර, පාලන කාර්යාලවල සේවා බිඳවැටීම හේතුවෙන් මෙහෙයුම් අංශයේ සේවාවන්ද ඉක්මනින් අක්‍රිය වෙමින් පවතී.
දිවයින පුරා වෘත්තීය ක්‍රියාමාර්ග
මෙම තත්ත්වය නිසා, සමස්ත දිවයිනේම අතිකාල සේවා වර්ජනය කිරීමේ තීරණය ගෙන ඇත. චින්තක බණ්ඩාර මහතා පැහැදිලි කළේ, “මේ තුළින් තැපැල් සේවය බිඳවැටෙනු ඇතැයි තැපැල් පරිපාලනය දන්නා කරුණකි. දැනට සේවකයින් 10ක් අවශ්‍ය ස්ථානවල එක් සේවකයෙකු පමණක් සිටීම නිසා මෙය ගැටළු සහගත වී ඇත. අද දිනය තුළ ප්‍රතිචාරයක් නොලැබුනහොත්, මධ්‍යම රාත්‍රී 12.00 සිට දිවයිනේ සියලුම තැපැල් කාර්යාල සහ පාලන කාර්යාලවල මෙම ක්‍රියාමාර්ගය ක්‍රියාත්මක වනු ඇත” යනුවෙනි.