වතුකරයේ විශේෂ අවශ්‍යතා ඇති දරුවන් රැක බලා ගැනීමට සම්භාහන ප්‍රතිකාර ලබා දීමට, ඔවුන්ගේ මානසිකත්වය ඉහළ දැමීම සහ එම දරුවන් ආරක්ෂිතව රැක බලා ගැනීම සම්බන්ධයෙන් එම දරුවන්ගේ දෙමව්පියන් දැනුවත් කිරිම සහ පුහුණු කිරිමේ වැඩසටහනක් කොටගල සෞඛ්‍ය වෛද්‍ය නිළධාරි කාර්යාලය මගින් (17) දින ආරම්භ කෙරිණ.
වතුකරයේ විශේෂ අවශ්‍යතා ඇති දරුවන් හදුනාගෙන එම දරුවන්ගේ විවිධ දක්ෂතා හදුනාගෙන එම දරුවන්ව (17) දින කොටගල නගරයේ පිහිටි පෞද්ගලික උත්සව ශාලාවක් වෙත ගෙන්වා එම දරුවන්ගේ නර්ථන අංග කිහිපයක්ද ආරාධිතයන් හමුවේ ප්‍රදර්ශනය කරනු ලැබූහ.
කැනඩා රජයේ සහ මෙරට රාජ්‍ය නොවන සංවිධාන එක්ව මෙම වැඩසටහන දියත් කල බවයි කොටගල සෞඛ්‍ය වෛද්‍ය නිළධාරි කේ.සුදර්ශන් මහතා කියා සිටියේ.
මෙම දරුවන්ගේ දක්ෂතාවයන් දැකබලා ගැනීමට විශාල පිරිසක් පැමිණ සිටියහ.