ඓතිහාසික දිඹුලාගල කන්දේ කුඩාවැව ප්‍රදේශයේ ඊයේ ( 07 ) සවස ගින්නක් ඇති වී තිබෙනවා.
මනම්පිටිය පොලිසිය පවසන්නේ මේ වෙන විට අක්කර ගණනක් ගින්නෙන් දැවී විනාශ වී ඇති බවයි.
මෙම ගින්නට හේතුව මෙතෙක් අනාවරණ වී නොමැති බව පොලොන්නරුව ආපදා කළමනාකරන ඒකකය සඳහන් කරනවා.
ගින්න මැඬලීම සඳහා ගිනි නිවන හමුදාව, යුද හමුදාව, ගුවන් හමුදාව, මනම්පිටිය පොලිසියේ නිලධාරීන් සහ ප්‍රදේශවාසීන් කටයුතු කරමින් සිටින බවයි පොලොන්නරුව දිස්ත්‍රික් ලේකම් සුජන්ත ඒකනායක මහතා සඳහන් කළේ.
දැඩි වියලි කාලගුණික තත්වයන් මත ගින්න මෙතෙක් පාලනය කිරිමට අසීරු වී තිබෙනවා.