සමගි ජන බලවේගය විසින් ඉදිරිපත් කරන දෝෂාභියෝගය සහ විශ්වාසභංගය පාර්ලිමේන්තුවට ඉදිරිපත් කිරීම සතියකින් කල් දැමුණා.
මේ සතිය ඇතුලත ශ්‍රී ලංකා නිදහස් පක්ෂය ඇතුළු ස්වාධීන වුණු අනෙකුත් මන්ත්‍රීවරුන්ට මෙම විශ්වාසභංගය සහ දෝෂාභියෝගය අත්සන් කිරීමට ලබාදෙන බවයි දේශපාලන ආරංචි මාර්ග අපට පැවසුවේ.
එහි අඩංගු කරුණු සංශෝධනය කිරීමට අවශ්‍යනම් ඒවාද මෙම සතිය ඇතුලත සාකච්ඡා කර වෙනස් කිරීමට කටයුතු කරන බවද වැඩිදුරටත් දේශපාලන ආරංචි මාර්ග සඳහන් කළා.
තවද මේ වනවිට ආණ්ඩුවේ ඇමතිකම් ලබා නොගන්නා බවට ප්‍රකාශ කළ බොහෝ දෙනෙකු ආණ්ඩුව වැරදි බව පිළිගෙන ඇති බවත් ආණ්ඩුව ඉවත් වියයුතු බවට පිළිගන්නා බවත් සඳහන් වනවා.