ඉතාලියේ මිලාන් නුවර පිහිටි හිස් කාර්යාල ගොඩනැගිල්ලක් මතට පෞද්ගලික ගුවන් යානයක් කඩා වැටීමෙන් එම ගුවන් යානයේ සිටි පුද්ගලයන් සියලුදෙනා ජීවිතක්ෂයට පත් වී ඇත. නිවාඩුවක් ගත කිරීම සඳහා මගීන් 6 දෙනකු රැගෙන සාර්ඩිනියා දූපතට ගමන් කරමින් තිබූ මේ ගුවන්යානයේ නියමුවන් දෙදෙනා ද ඇතුළුව පුද්ගලයන් 8 දෙනකු ජීවිතක්ෂයට පත් වී ඇතැයි විදෙස් මාධ්‍ය වාර්තා කළේය. මේ සියලු දෙනාම ප්‍රංස ජාතිකයන් බව වාර්තා වේ. ගුවන් යානය ගොඩනැගිල්ල මතට කඩා වැටීමෙන් පසු ගිනිබත් වී ඇති අතර, ඒ මොහොතේ ගොඩනැගිල්ල අසල නවතා තිබු මෝටර් රථ කිහිපයක් ද ගින්නට හසු වී තිබේ.