මත්ද්‍රව්‍ය ළඟ තබා ගැනීම සහ භාවිත කිරීම ඇතුළු චෝදනා සම්බන්ධව පොලිස් අත්අඩංගුවට පත් වූ බොලිවුඩ් සිනමාවේ සුපිරි නළු ෂාරුක් ඛාන්ගේ පුත්‍රයා වන ආර්යන් ඛාන් වසර 4ක කාලයක සිට මත්ද්‍රව්‍ය භාවිත කරන බව පිළිගෙන ඇතැයි වාර්තා වේ. මුම්බායි නුවර සිට ගෝව බලා යාත්‍රා කරමින් තිබූ සුපිරි නෞකාවක පැවැති සාදයකට සහභාගි වෙමින් සිටියදී ආර්යන් ඛාන් ඇතුළු 13 දෙනකු පොලීසිය විසින් සිදු කළ මෙහෙයුමකදී පසුගියදා මෙසේ අත්අඩංගුවට ගනු ලැබීය.
ඔහු මීට පෙර බ්‍රිතාන්‍යය, ඩුබායි සහ වෙනත් රටවල සිටියදී මත්ද්‍රව්‍ය භාවිත කළ බව පිළිගෙන ඇති අතර, අත්අඩංගුවට ගැනීමෙන් පසු සිය පියා සමඟ මිනිත්තු දෙකක කාලයක් දුරකතනය ඔස්සේ කතා කිරීමට පොලිසිය අවසර දී තිබේ. 23 හැවිරිදි ආර්යන් ඛාන් අත්අඩංගුවට ගැනීමෙන් පසු හඬා වැටී ඇතැයි ද වාර්තා වේ. ආර්යන් ඛාන් ඇතුළු පිරිස මේ මස 7 වැනිදා දක්වා රිමාන්ඩ් බාරයට පත් කර තිබේ.