කොළඹ මහාධිකරණය විසින් අද (17) විමල් වීරවංශට එරෙහිව අද අධි චෝදනා ගොනු කරනු ලැබීය.
මෙම අධි චෝදනාව ගොනු කර ඇත්තේ ඔහු අමාත්‍යවරයෙකු ලෙස කටයුතු කළ 2010 සහ 2015 අතර කාලසීමාවේදී වැටුපෙන් හා වත්කමින් උපයාගත නොහැකි රුපියල් මිලියන 75ක දේපළ හිමිකාරීත්වය දැරීම සම්බන්ධයෙන් අල්ලස් කොමිසම විසින් පවරා ඇති නඩුවට අදාළවයි.
කොළඹ මහාධිකරණ විනිසුරු නවරත්න මාරසිංහ හමුවේ නඩුව අද විභාගයට ගත් අවස්ථාවේදී නීතිපති දෙපාර්තමේන්තුව විසින් සංශෝධිත චෝදනා පත්‍රයක් ඉදිරිපත් කරනු ලැබූ අතර එහිදී විත්තිකාර විමල් වීරවංශ කියා සිටියේ තමන් අදාළ චෝදනා සඳහා නිවැරදිකරු බවයි.
ඒ අනුව නඩුව වැඩිදුර විභාගය ලබන 28 වැනිදා දක්වා කල් තැබීය.