ජාතික පිළිකා මර්දන වැඩසටහනට අනුව වසරකට ශ්‍රී ලංකාවේ කාන්තාවන් 4000ක් පමණ පියයුරු පිළිකාවෙන් පෙළෙන අතර වසරකට කාන්තාවන් 1000ක් පමණ පියයුරු පිළිකාවෙන් මියයන බව අනාවරණය වී තිබේ.
පියයුරු පිළිකාවට එරෙහිව සටන් කිරීම සඳහා පුරවැසියන් බලමුලු ගැන්වීම සහ රෝගය පිළිබඳව ජනතාව දැනුවත් කිරීම සඳහා සමාජ චර්යා වෙනස්වීම් සන්නිවේදනය සඳහා වූ උපාය මාර්ගය (SBCC 2021) ක්‍රියාත්මක කිරීමට සහ සහාය දැක්වීම සඳහා Breastcancerdetect.health.gov.lk යන නිල වෙබ් අඩවිය බදාදා (18) දියත් කරන ලදී.
මෙම වෛද්‍ය සේවාවන් ඉදිරි වසර තුළදී මාතර, යාපනය සහ රත්නපුර දිස්ත්‍රික්කවලට ව්‍යාප්ත කිරීමට නියමිත අතර මධ්‍යස්ථාන සංවර්ධනය වන විට අනෙකුත් ප්‍රදේශ සමඟද සම්බන්ධ කිරීමට නියමිත බව වාර්තා වේ.