ඊයේ (20) රාත්‍රී 11.30ට පමණ හටගත් ගින්නකින් කිලිනොච්චිය මහ රෝහලේ සායන පැවැත්වූ පරිශ්‍රයේ කොටසක වෛද්‍ය උපකරණ රැසක් විනාශ වී ඇති බව කිලිනොච්චිය පොලිසිය පවසයි.
කිලිනොච්චිය, කරච්චි ප්‍රාදේශීය සභා ගිනි නිවීමේ ඒකකය හා යුද්ධ හමුදා ජල බවුසර යොදාගෙන ඊයේ රාත්‍රියේදීම ගින්න නිවා දැමීමට කටයුතු කර ඇති අතර ගින්නෙන් රෝගීන් හෝ රෝහලේ සේවය කළ කිසිවෙකුටත් හානි සිදුව නොමැත.
ගින්නට හේතුව මෙතෙක් අනාවරණය වී නොමැති අතර කිලිනොච්චිය පොලිසිය වැඩිදුර පරීක්ෂණ පවත්වයි.