විදුලිය උත්පාදනය සඳහා ප්‍රමාණවත් ඩීසල් හා දැවි තෙල් තොග ඇත්තේ අද (26) දිනයට පමණක් බව ලංකා විදුලි බල මණ්ඩලය පවසයි.
කැලණිතිස්ස බලාගාර සංකීරණයට විදුලිය උත්පාදනය සඳහා ලබාදුන් ඩීසල් තොග අද අවසන් වන බවත් සපුගස්කන්ද හා කොළඹ වරායේ පාවෙන බලාගාරය සඳහා දැවි තෙල් ප්‍රමාණවත් වන්නේද අද දිනයට පමණක් බවත් එහි මාධ්‍ය ප්‍රකාශක ඇන්ඩෲ නවමුනි ප්‍රකාශ කළේය.
මේ සම්බන්ධයෙන් ලංකා ඛනිජ තෙල් නීතිගත සංස්ථාව දැනුවත් කර ඇත. ඩීසල් හා දැවි තෙල් අද දිනයේ නොලැබුණහොත් විදුලිය කප්පාදුවකට යාමට සිදුවන බවත් හෙතෙම වැඩිදුරටත් අවධාරණය කරයි.