පෞද්ගලික ආරවුලක් දුරදිග යෑමෙන් කටුගස්තොට, මහංගොඩ ප්‍රදේශයේදී පුද්ගලයෙකු ඝාතනය කර තිබේ.
එක් පුද්ගලයෙකු අනෙක් පුද්ගලයාගේ කකුල් දෙක ගස් කපන යාන්ත්‍රික කියතකින් කපා බරපතළ ලෙස තුවාල සිදු කර ඇති බව පොලීසිය පවසයි. තුවාලකරු පේරාදෙණිය රෝහලට ඇතුළත් කිරීමෙන් පසු ශල්‍යකර්මයට භාජනය කරමින් සිටියදී මිය ගොස් තිබේ.
මෙලෙස ඝාතනයට ලක්ව ඇත්තේ 32 හැවිරිදි පුද්ගලයෙකි. මෙම සිද්ධිය සම්බන්ධයෙන් 54 හැවිරිදි සැකකරුවෙකු අත්අඩංගුවට ගෙන ඇති අතර ඔහු අද (31) අධිකරණයට ඉදිරිපත් කිරිමට නියමිතය.