මාධ්‍යවේදී චමුදිත සමරවික්‍රමගේ පිළියන්දල නිවසට ගල් සහ අසූචි ප්‍රහාරයක් එල්ල කිරීම සම්බන්ධයෙන් ප්‍රකාශයක් ලබා ගැනීම සඳහා කිරුළ අහිමි වූ ශ්‍රී ලංකා විවාහක රූ රැජිණ පුෂ්පිකා ද සිල්වා පිළියන්දල පොලිසිය වෙත කැඳවා තිබේ.
සිද්ධිය සම්බන්ධයෙන් ඇය දන්නා තොරතුරු ඇතොත් එහිදී ලබා ගැනීමට අපේක්ෂා කරන බව පොලිස් ස්ථානාධිපතිවරයා වැඩිදුරටත් පැවසීය.
කෙසේ වෙතත් පුෂ්පිකා ද සිල්වා පැව්වසුවේ මේ සම්බන්ධව මෙතෙක් ඇය දැනුවත් නැති බවයි. හිටපු ශ්‍රී ලංකා විවාහක රූ රැජිණ පුෂ්පිකා ද සිල්වා චමුදිත සමරවික්‍රම විසින් මෙහෙයවනු ලබන යූ ටියුබ් සම්මුඛ සාකච්ඡාවකට සහභාගී වී තිබුණු අතර එහිදී ඇය ඇතැම් ආන්දෝලනාත්මක කරුණු ඉදිරිපත් කර තිබුණු බවට සමාජ මාධ්‍යවල අදහස් පළ විය.