පාස්කු ඉරුදින එල්ල වූ ත්රස්ත ප්රහාරය සම්බන්ධයෙන් අපරාධ පරික්ෂණ දෙපාර්තමේන්තුවේ විශේෂ විමර්ශන ඒකකය විසින් සිදු කරන විමර්ශනවලට අදාලව දැනට රක්ෂිත බන්ධානාගරගත කර සිටින සහරාන් හෂිම්ගේ බිරිඳගෙන් ප්රකාශ ලබා ගැනිම අද (11) සිට ආරම්භ වෙයි.
විශේෂ විමර්ශන ඒකකය ඊයේ අධිකරණයෙන් ඉල්ලා සිටියේ ඉදිරි විමර්ශන කටයුතු සදහා සහරාන් හෂිම්ගේ බිරිඳගෙන් ලබන 25 වැනිදා දක්වා ප්රකාශ ලබා ගැනිමට අවසර දෙන ලෙසයි. ඒ අනුව කුලියාපිටිය මහේස්ත්රාත් අධිකරණය ඒ සදහා අවසර ලබා දුන්නේය.
වැලිකඩ බන්ධනාගාරයට ගොස් අදාළ ප්රකාශ ලබාගැනීමට අපරාධ පරික්ෂණ දෙපාර්තමේන්තුවට අවසර ලබා දෙන ලෙස වැලිකඩ බන්ධනාගාර අධිකාරිවරයාටද අධිකරණය නියෝග කර ඇත.
මේ සම්බන්ධයෙන් වැඩිදුර විමර්ශන වාර්තාවක් මාර්තු 04 වැනිදා අධිකරණයට ඉදිරිපත් කරන ලෙසද කුලියාපිටිය මහේස්ත්රාත් ජනනි වීරතුංග මහත්මිය නියෝග කර ඇත.