අද (02) අලුයම නිවස ඉදිරිපිටදී කාන්තාවක් වෙත වෙඩි ප්‍රහාරයක් එල්ල වී තිබේ. දෙදෙනා අතර පැවති පෞද්ගලික ආරවුලක් සිද්ධියට හේතු වී ඇති බව පොලීසිය සැක කරයි.
බදුරලිය කෙලින්කන්ද ප්‍රදේශයේ නිවසක් ඉදිරිපිටදී මෙම වෙඩිතැබීම සිදුව ඇත. වෙඩි වැදීමෙන් බරපතළ තුවාල ලබා ඇති අදාළ කාන්තාව බදුරලිය රෝහලේ ප්‍රතිකාර ලබයි.
චන්ද්‍රලතා පත්මිණී නමැති 53 හැවිරිදි විවාහක කාන්තාවක් මෙම වෙඩි ප්‍රහාරයට ලක්ව ඇති අතර ඇය සමග කලක් එකම නිවසේ වාසය කළ පුද්ගලයෙක් විසින් මෙම වෙඩි තැබීම සිදුකර ඇති බව පොලිස් විමර්ශනවලදී අනාවරණය වී තිබේ.
වෙඩිතැබීම සිදුකළ බවට සැක කෙරෙන පුද්ගලයා ප්‍රදේශයෙන් පළාගොස් ඇති අතර වෙඩිතැබීමට යොදාගෙන ඇත්තේ මෙරටදී නිෂ්පාදනය කළ ගිනිඅවියක් බව පොලීසිය පවසයි.