ආහාර සුරක්ෂිතතාව ඇති කිරීම සඳහා ජාතික ප්රතිපත්තියක් ගෙන එන බව ජනාධිපති රනිල් වික්රමසිංහ පවසයි.
ඒ සඳහා ඉදිරියේදී නව නීති හඳුන්වාදීමට බලාපොරොත්තු වන බවත් ඊට අදාළ පනත් කෙටුම්පත පාර්ලිමේන්තුවට ඉදිරිපත් කිරීමට සැලසුම් කර ඇති බවත් ජනාධිපතිවරයා අවධාරණය කළේය.
ආහාර සුරක්ෂිතතාව හා පෝෂණය පිළිබඳ ඒකාබද්ධ යාන්ත්රණ කමිටු නියෝජිතයන් දැනුවත් කිරීම වෙනුවෙන් අරලියගහ මන්දිරයේ පැවති සාකච්ඡාවට එක්වෙමින් ජනාධිපතිවරයා මේ බව කියා සිටියේය.
ආහාර සුරක්ෂිතතාව සහ ජනතාවගේ පෝෂණ තත්ත්වය තහවුරු කිරීමේදී නිවැරදි දත්ත ලබාගැනීමේ අවශ්යතාවය පැහැදිලි කළ ජනාධිපතිවරයා ජාතික මටිටමින් සහ ප්රාදේශීය මට්ටමින් තිබෙන දත්තවල විශාල වෙනස්කම් දක්නට ඇති බව සඳහන් කළේය.