රාජාංගනය ජලාශයේ වාන් දොරටු 06ක් අඩි 02 බැගින් විවෘත කර ඇති බව වාරිමාර්ග දෙපාර්තමේන්තුව පවසයි.
විවෘත කර ඇති ජල දොරටුවලින් තත්ත්පරයට ජලය ඝන අඩි 3750 ක් කලාඔයට මුදා හැරෙන බවද වාරිමාර්ග නිලධාරීන් සඳහන් කරයි. මෙම තත්ත්වය නිසා කලාඔයේ ජල මට්ටම ඉහළ යා හැකි බව පුත්තලම ආපදා කළමණාකරන ඒකකය සදහන් කරයි.
දැදුරුඔය ජලාශයේ වාන් දොරටු 04 ක් පසුගිය 20 වැනිදා සවස විවෘත කර තිබුණි. 21 වැනිදා පෙරවරුව වන විට විවෘත කර තිබූ ජල දොරටු වසා දමා ඇති බවද ආපදා කළමණාකරන ඒකකය වැඩිදුරටත් අවධාරණය කළේය.