32 C
Colombo
Saturday, February 24, 2024

ශ්‍රී ලංකාවට ජාත්‍යන්තර මූල්‍ය අරමුදලේ සහාය ලබාගැනීමට අවශ්‍ය මූල්‍ය සහතිකය ලබාදීමට කටයුතු කළා – ඉන්දීය විදේශ ඇමති

ශ්‍රී ලංකාවට ජාත්‍යන්තර මූල්‍ය අරමුදලේ සහාය ලබාගැනීම සඳහා අවශ්‍ය මූල්‍ය සහතිකය ලබාදීමට ඉන්දියාව කටයුතු කළ බව ඉන්දීය විදේශ කටයුතු අමාත්‍ය ආචාර්ය එස්.ජයශංකර් මහතා පැවසීය.

ශ්‍රී ලංකාව යථා තත්ත්වයට පත්කිරීම සඳහා ණයහිමියන් ක්‍රියාශීලිව පියවරගත යුතු බව ඉන්දියාව දැඩි ලෙස විශ්වාස කරන බවත්, එබැවින් අන් පාර්ශ්ශව දෙස බලා නොසිට නිවැරදි යැයි සිතන පියවර ගැනීමට ඉන්දියාව තීරණය කළ බවත් විදේශ අමාත්‍යවරයා කීය.

අද (20) ජනාධිපති කාර්යාලයේ දී ජනාධිපති රනිල් වික්‍රමසිංහ මහතා සමඟ පැවති සාකච්ඡාවෙන් අනතුරුව ඒකාබද්ධ මාධ්‍ය හමුවකට එක්වෙමින් ඉන්දීය විදේශ අමාත්‍යවරයා මේ බව සඳහන් කළේය.

ශ්‍රී ලංකාව නිසැකවම වත්මන් ආර්ථික අභියෝගය ජයගන්නා බව ඉන්දියාව විශ්වාස කරන අතර, විශ්වාසවන්ත මිතුරෙකු ලෙස ඉන්දියාව මෙම අසීරු කාලසීමාවේදී ශ්‍රී ලංකාව සමඟ සිටින බව ඉන්දීය විදේශ අමාත්‍ය එස්. ජයශංකර් මහතා පැවසීය.

ශ්‍රී ලංකාවේ ආර්ථිකය යළි ප්‍රකෘත්මත් කිරීම සඳහා ඉන්දියාවෙන් ලබාගත හැකි සහාය පිළිබඳ සාකච්ඡා කිරීමට හැකි ඉක්මණින් ඉන්දියාවට පැමිණෙන ලෙස ඉන්දීය අග්‍රාමාත්‍ය න‍රේන්ද්‍ර මෝදි මහතා කළ ආරාධනය තමා ජනාධිපති රනිල් වික්‍රමසිංහ මහතා වෙත භාරදුන් බව ද ඔහු ප්‍රකාශ කළේය.

ඉන්දියාව ශ්‍රී ලංකාවේ විශ්වාසදායක අසල්වැසියෙක් සහ විශ්වාසවන්ත හවුල්කරුවෙකු බවත්, මෙම අසීරු අවස්ථාවේ ශ්‍රී ලංකාවට යළි ප්‍රකෘතිමත්වීම සඳහා අමතර පියවර ගණනාවක් වුවත් ඉදිරියට තැබීමට ඉන්දියාව සූදානම් බවත් ජයශංකර් මහතා පැවසීය.

ශ්‍රී ලාංකිය ආර්ථිකයට යළි ප්‍රකෘතිමත් තත්ත්වයට පැමිණිම සඳහා එම ආර්ථිකයේ ප්‍රධාන ක්ෂේත්‍රවන බලශක්තිය, සංචාරක ව්‍යාපාරය සහ යටිතල පහසුකම් සංවර්ධන ක්ෂේත්‍රයන් තුළ ආයෝජන සිදු කිරීමට ආ‍යෝජකයන් දිරි ගන්වන බව ද ඉන්දීය විදේශ අමාත්‍යවරයා පැවසීය.

මෙහිදී වැඩිදුරටත් අදහස් දැක්වූ ඉන්දීය විදේශ අමාත්‍යවරයා

තිරසාර ආදායම් මාර්ගයක් බවට පත් කළ හැකි අතිවිශාල පුනර්ජනනීය බලශක්ති විභවයක් ශ්‍රී ලංකාව සතුව පවතිනවා. ත්‍රිකුණාමලය බලශක්ති කේන්ද්‍රස්ථානයක් බවට පත් කිරීමට හැකියාව තිබෙනවා. ශ්‍රී ලංකාවට එවන් ක්‍රියාවකට මුලපිරීම සඳහා විශ්වාසනීය හවුල්කරුවෙකු වීමට ඉන්දියාව සූදානමින් සිටිනවා. මෙම සහයෝගීතාව ඉදිරියට ගෙන යන පුනර්ජනනීය බලශක්ති රාමුව පිළිබඳ අද පැවති සාකච්ඡාවලදී ද එකඟතාව පළ කෙරුණා.

මෙවන් ක්‍රියාදාමයක් ආරම්භ කීරීම සදහා උත්තේජනයක් ලෙස ශ්‍රී ලංකාව තුළ වඩා යහපත් ව්‍යාපාර හිතකාමී පරිසරයක් නිර්මාණය කළයුතුයි. නීති සම්පාදකයින් මෙහි ඇති වැදගත්කම අවබෝධකරගනු ඇතැයි මම සිතනවා.

මේ සඳහා අද ශ්‍රී ලංකාවට ඇති බරපතල අභියෝගයක් වන්නේ බලශක්ති සුරක්ෂිතතාවයි. මෙවන් වාතාවරණයකදී සොයාගනු ලබන විසඳුම් විශාල කලාපයක් ආවරණය කළ යුතුයි. එහි සම්පූර්ණ ප්‍රතිලාභය ශ්‍රී ලංකාවට හිමි වන්නේ එවිටයි.

සංචාරක ව්‍යාපාරය ශ්‍රී ලංකා ආර්ථිකයේ ජීවනාලිය වන අතර ඉන්දීය සංචාරකයින් ශ්‍රී ලංකාවට පැමිණීමට සිය කැමැත්ත ප්‍රකාශ කර තිබෙනවා. දෙරට අතර සබඳතා වඩාත් ශක්තිමත් කරමින් සංචාරක කර්මාන්තය ප්‍රවර්ධනයට කැපවීම තුළින් එහි යහපත් ප්‍රතිඵල ළඟාකරගත හැකියි.

මෙම දුෂ්කර අවස්ථාවේදී ඉන්දියාවේ සහයෝගීතාව ශ්‍රී ලංකාවට පළ කිරීම මගේ මෙම සංචාරයේ අරමුණයි . ශ්‍රී ලංකාවට ආර්ථික අර්බුදයෙන් මිදීමට උපකාරයක් ලෙස පසුගිය වසරේ ඉන්දියාව ඇමරිකානු ඩොලර් බිලියන 4 ක් පමණ ණය පහසුකම් ලබාදී තිබෙනවා.

ශ්‍රී ලංකාව යථා තත්ත්වයට පත්කිරීම සඳහා එම ණයහිමියන් ක්‍රියාශීලිව පියවර ගත යුතු බව ඉන්දියාව දැඩි ලෙස විශ්වාස කරනවා. එබැවින් අන් පාර්ශ්වයන් දෙස බලා නොසිට නිවැරදි යැයි සිතන පියවර ගැනීමට ඉන්දියාව තීරණය කළා. ඒ අනුව ශ්‍රී ලංකාවට යළි ප්‍රකෘත්මත්වීම සඳහා ජාත්‍යන්තර මූල්‍ය අරමුදලේ සහාය ලබා ගැනීමට අවශ්‍ය මූල්‍ය සහතිකය ලබාදීමට අපි කටයුතු කළා.

අපේ අපේක්ෂාව වන්නේ ශ්‍රී ලංකාවේ ආර්ථිකය ස්ථාවර කිරීමට සහාය දක්වන අතරම සියලුම ද්විපාර්ශ්වික ණය හිමියන් සමඟ සමානව කටයුතු කිරීම සහතික කිරීමයි. ශ්‍රී ලංකාවේ දේශපාලන සහ ආර්ථික ස්ථාවරත්වය උදෙසා ඉන්දියාව සැමවිටම සහාය වනවා.

දේශපාලන බලය බෙදීම පිළිබඳ ප්‍රශ්නය සහ ඒ පිළිබඳ ජනාධිපතිවරයාගේ අදහස් මා සමඟ ප්‍රකාශ කළා. 13 වැනි ආණ්ඩුක්‍රම ව්‍යවස්ථාව සම්පූර්ණයෙන් ක්‍රියාත්මක කළයුතුය යන අපේ අදහසත්, පළාත් සභා මැතිවරණ හැකි ඉක්මණින් පැවැත්වීම පිළිබඳ අදහසත් පිළිබඳ මම ඔහුව දැනුවත් කළා.

දිගුකාලීන ප්‍රතිසන්ධානයක් සඳහා උත්සාහයන් ශ්‍රී ලංකාවේ සියලු ජන කොටස්වල යහපත සඳහා හේතු වනවා. ඉන්දියානු සම්භවයක් ඇති දෙමළ ප්‍රජාවගේ අවශ්‍යතා කෙරෙහි විශේෂ අවධානයක් යොමු කළ යුතු බවත් මම විශ්වාස කරනවා.

මෙම මාධ්‍ය හමුවේ දී අදහස් දැක්වූ විදේශ කටයුතු අමාත්‍ය අලී සබ්‍රි මහතා

පසුගිය වසරේ ශ්‍රී ලංකාව මෙතෙක් අත්විඳින ලද බරපතලම ආර්ථික අර්බුදයකට මුහුණ දුන්නා. එහිදී ඉන්දියාව ශ්‍රී ලංකාවට ලබා දුන් සහාය කෘතවේදීව සිහිපත් කළයුතුයි.

ශ්‍රී ලංකාවේ ආර්ථික හා මූල්‍ය ස්ථාවරත්වය යම් මට්ටමකට නැවත පත්කර ගැනීම වෙනුවෙන් අත්‍යාවශ්‍ය භාණ්ඩ ආනයනය සඳහා ඉන්දියාව ලබාදුන් ඇමෙරිකානු ඩොලර් බිලියන 4ක ණය පහසුකම් මෙන්ම ශ්‍රී ලංකාවට අනෙකුත් මානුෂීය ආධාර ලබා දෙමින් දැක්වූ සහයෝගය පිළිබඳව ජනාධිපති රනිල් වික්‍රමසිංහ මහතා වෙනුවෙන් අග්‍රාමාත්‍ය නරේන්ද්‍ර මෝදි මහතාට සහ ඉන්දීය රජයට කෘතඥතාව පිරිනැමීමට මම මෙය අවස්ථාවක් කර ගන්නවා.

ජාත්‍යන්තර මූල්‍ය අරමුදල සමග පැවැත්වෙන සාකච්ඡාවලදී මේ වන විට ශ්‍රී ලංකාව සිටින්නේ තීරණාත්මක සංධිස්ථානයකයි. ණයහිමියෙකු ලෙස ඉන්දියාව ශ්‍රී ලංකාවේ ණය ප්‍රතිව්‍යුහගතකරණය සඳහා ජාත්‍යන්තර මුල්‍ය අරමුදලට සහතිකයක් ලබා දී තිබෙනවා.

ඉන්දියාව නුදුරේදීම හෝ ඇතැම්විට දැනටමත් විශාලතම හා වේගයෙන් වර්ධනය වන ආර්ථිකයන්ගෙන් එකක් වනු ඇතැයි අප විශ්වාස කරනවා. ශ්‍රී ලංකාව ඉන්දියාවේ මෙම ආර්ථික සාර්ථකත්වය සහ ජාත්‍යන්තර කීර්තිය දෙස බලා සිටින්නේ මහත් ප්‍රශංසාවකින් බවත් කිව යුතුයි.

ඉන්දියාවේ එම වර්ධනය මෙම කලාපයට මෙන්ම ශ්‍රී ලංකාවටද ප්‍රයෝජනවත් වනු ඇති අතර ඉන්දියාවේ හොඳ හිත සහ හවුල්කාරිත්වය සමඟ වත්මන් අර්බුදයෙන් ගොඩ ඒමට හැකි බව අප විශ්වාස කරනවා.

Latest

පොහොට්ටුව පසුබැහැලාමාලිමාව ඉදිරියට ඇවිල්ලා

ආණ්ඩුවේම ජගත් කුමාර ආණ්ඩුවම පට්ට ගහයි පිළිගන්නවා.. පොහොට්ටුව පසුබැහැලා මාලිමාව...

රනිල් හමුවෙලා මෙන්න තීරණය ගනී

සති අන්තයේ මේ මොකද වෙන්නේ..? පාඨලී චම්පික හදිසියේම සිරිකොතට රනිල්ගෙන් කැඳවීමක්ද...

ඔබත් ඔන්ලයින් ණයකාරයෙක්ද ? එහෙනම් මේක බැලිය යුතුමයි

සියලු හඬපට සාක්ෂි සහිතයි -ණය ගෙවන්න බැරි වුණාම ලිංගික...

පොලිස් ඇමති ටිරාන් සහ වැඩබලන පොලිස්පති දේශබන්දු ඝාතන තැතක්

රහස්‍ය බුද්ධි වාර්තාවක් පිටවෙයි පොලිස් ඇමති ටිරාන් සහ වැඩබලන පොලිස්පති...

Don't miss

රාත්‍රී ආර්ථිකය ගැන ඩයනා යළි කට අරියි

ලෝකයේ බොහෝ රටවල ආර්ථික වර්ධනය වෙනුවෙන් රාත්‍රී ආර්ථිකය වැදගත්...

දේශපාලනයේ සදාකාලික මිතුරන් හෝ හතුරන් නැහැ

දේශපාලනයේ සදාකාලික මිතුරන් හෝ හතුරන් නොමැති බව පොදුජන පෙරමුණේ...

මොන බාධක ආවත් යුක්තිය නවතන්නේ නැහැ – ටිරාන්

කුමන බලපෑම් පැමිණිය ද මත්ද්‍රව්‍ය හා පාතාලය මර්දනය කිරීමට...

සති පාසල ජාත්‍යන්තරයට ගෙන යනවා – සුසිල්

විවිධ අභියෝගවලට මුහුණදෙමින් සංකීර්ණ ඉගෙනුම් ක්‍රියාවලියක යෙදෙන වත්මන් පාසල්...

වසර මැදදී උද්ධමනය 5% ට ගේනවා – සියඹලාපිටිය

2024 වසර මැද වන විට උද්ධමන අනුපාතය 5% මට්ටමකට...

කාන්තා ප්‍රිමියර් ලීග් තරගාවලිය අදින් ඇරඹේ

මෙවර කාන්තා ප්‍රිමියර් ලීග් ක්‍රිකට් තරගාවලිය අදින් (23) ආරම්භ වනවා. තරගාවලියේ පළමු තරගය අද රාත්‍රී 8ට ඉන්දියාවේ බැංගලෝර් හිදී ආරම්භ වීමට නියමිතයි. 'දිල්ලි කැපිටල්ස් කාන්තා කණ්ඩායම'...

කඳානේ වෙඩි තැබීමට ‘කොට්ටාවේ සුද්දා’ අල්ලයි

සංවිධානාත්මක අපරාධ කල්ලි නායකයෙකු වන ගනේමුල්ල සංජීවගේ මෙහෙයවීමෙන් පසුගිය වසරේ කඳාන ප්‍රදේශයේ මාළු ව්‍යාපාරිකයකුගේ නිවසකට වෙඩි තැබීමේ සිද්ධියේ වෙඩික්කරු සමඟ පැමිණි යතුරුපැදිකරු අත්අඩංගුවට ගෙන...

හොර වීසා පෙන්වා යුරෝපෙට පනින්න ගිය දෙදෙනෙක් අල්ලයි

කූඨ ලෙස සකස් කළ ග්‍රීක සංචාරක වීසා භාවිතා කරමින් යුරෝපය වෙත පළා යාමට තැත් කළ තරුණයන් දෙදෙනෙකු අත්අඩංගුවට ගෙන තිබෙනවා. අප වාර්තාකරු පැවසුවේ කටුනායක ගුවන්තොටුපොළ...

LEAVE A REPLY

Please enter your comment!
Please enter your name here