අපොස උසස් පෙළ විභාගයට අදාළ ප්රවේශ පත්ර තැපෑලෙන් එවා ඇති බව විභාග දෙපාර්තමේන්තුව දැනුම් දෙයි.
විභාග කොමසාරිස් ජනරාල් අමිත් ජයසුන්දර පැවසුවේ ප්රවේශ පත්ර නොලැබුණු අයදුම්කරුවන්ට විභාග දෙපාර්තමේන්තුවේ වෙබ් අඩවියෙන් ඒවා බාගත කර ගැනීමේ පහසුකම් සලසා ඇති බවයි.
පාසල්වල විදුහල්පතිවරුන් වෙත ලබාදී ඇති දත්ත ගබඩාවට ප්රවේශ වී පාසල් විභාග අපේක්ෂකයින් සඳහා ප්රවේශ පත්ර ලබා ගත හැකි බව ඔහු පැවසීය.
පෞද්ගලික අයදුම්කරුවන්ට තම හැඳුනුම්පත සහ දුරකථන අංක භාවිත කර ප්රවේශ පත්ර බාගත කළ හැකි බවද විභාග කොමසාරිස් ජනරාල්වරයා පෙන්වා දෙයි.
ප්රවේශ පත්ර බාගත කර ගැනීමට නොහැකි වූ අයදුම්කරුවන්ට විභාග දෙපාර්තමේන්තුව අමතන ලෙස ද ඔහු නියෝග කළේය.