ඉන්දියාවේ ඔඩිෂා ප්‍රාන්තයේ සෞඛ්‍ය අමාත්‍ය නබා කිෂෝර් දාස් වෙඩි තබා ඝාතනය කර තිබේ.
පොලිස් උප පොලිස් පරීක්ෂකවරයෙකු විසින් ඔහුගේ පපුවට දෙවරක් වෙඩි තබා ඇති බවයි විදෙස් මාධ්‍ය වාර්තා කරන්නේ.
වෙඩි වැදීමෙන් තුවාල ලැබූ ඔහු අසළ පිහිටි රෝහලකට රැගෙන ගොස් ඇති අතර පසුව වැඩිදුර ප්‍රතිකාර සඳහා ගුවනේෂ්වර්හි රෝහලකට ගුවන් මගින් රැගෙන ගිය බව වාර්තා වේ.
සිද්ධියෙන් තුවාල ලැබූ අමාත්‍යවරයා වැඩිදුර ප්‍රතිකාර ලබමින් සිටියදී ජීවිතක්ෂයට පත් වූ බවයි විදෙස් මාධ්‍ය වාර්තා කළේ.
මෙම වෙඩි තැබීම සිදු කළ පොලිස් පරීක්ෂකවරයා මේ වනවිට අත්අඩංගුවට ගෙන ඇති අතර වෙඩි තැබීමට හේතුව පිළිබඳව මෙතෙක් තොරතුරු අනාවරණය වී නොමැත.
ඔඩිෂා ප්‍රධාන අමාත්‍යවරයා මෙම සිද්ධිය හෙළා දකින අතර වහාම පරීක්ෂණ ආරම්භ කරන ලෙස පොලිසියේ අපරාධ පරීක්ෂණ දෙපාර්තමේන්තුවට නියෝග කර තිබේ.