ශ්රී ලංකා ඛනිජ තෙල් නීතිගත සංස්ථාවේ සේවකයින්ගේ අතිකාල දීමනාව අඩු කිරීමට රජය තීරණය කර තිබෙනවා.
රට මුහුණ දී ඇති ආර්ථික අර්බුදය හේතුවෙන් මෙම පියවර ගෙන ඇති බව විදුලිබල හා බලශක්ති අමාත්ය කංචන විජේසේකර සඳහන් කළේය. විදුලි බිල වැඩිකර ඇත්තේ විදුලි ඉංජිනේරුවන්ට හෝ වෙනත් නිලධාරීන්ට අතිකාල දීමනා ලබාදීමට නොවන බවයි අමාත්යවරයා සඳහන් කළේ.
විදුලි ගාස්තු ඉහළ දැමීමෙන් පසු ණය මුදලක් ලබා ගැනීමට හැකි වූ බවත්, ඒ හරහා ප්රධාන බැංකු දෙකකින් ඉන්ධන මිලදී ගැනීම සඳහා මුදල් ලබා ගැනීමට හැකි වූ බවත් අමාත්යවරයා අවධාරණය කළේය.