31 C
Colombo
Saturday, February 24, 2024

“පුංචි මහත්තයා කපුමහත්තයා” ගේ ඝා+තනයට බිරිඳ සමඟ 52 හැවිරිදි පෙම්වතා අත්අඩංගුවට

රුවන්වැල්ල පොලිස් බල ප්‍රදේශයේ රුවන්වැල්ල – නිට්ටඹුව ප්‍රධාන මාර්ගයේ තිබී ඝාතනයට ලක්වූ පුද්ගලයෙකුගේ මළ සිරුරක් පසුගිය 10 වනදා රුවන්වැල්ල පොලිසිය විසින් සොයා ගත්තා.

එම පුද්ගලයාගේ ඝාතනයට සම්බන්ධ සැකකරුවන් දෙදෙනෙක් සහ සැකකාරියක් මේ වනවිට අත්අඩංගුවට ගෙන ඇති බවයි තොරතුරු වාර්තා වන්නේ.

එලෙස අත්අඩංගුවට ගැනුණු කාන්තාව ඝාතනයට ලක්වූ පුද්ගලයාගේ බිරිඳවන අතර, අනෙක් පුද්ගලයින් දෙදෙනා විශ්‍රාමික හමුදා සෙබළෙක් සහ ත්‍රිරෝද රථ රියදුරෙක් බවයි පොලිසිය සඳහන් කළේ.

සැකකාර බිරිඳ ඊයේ (18) දහවල් ගොඩකවෙල, ගල්වින්න ප්‍රදේශයේ දී අත්අඩංගුවට ගත් අතර, ඝාතනයේ ප්‍රධාන සැකකරු වන විශ්‍රාමික හමුදා සෙබළා අද (19) පෙරවරුවේ අවිසසාවේල්ල නගරයේ දී සහ ත්‍රිරෝද රථ රියදුරා වේයන්ගොඩ ප්‍රදේශයේ දීත් අත්අඩංගුවට ගෙන තිබෙනවා.

ඝාතනයට ලක් වූ පුද්ගලයා ගොඩකවෙල, ගල්වින්න ප්‍රදේශයේ පදිංචි ‘පුංචි මහත්තයා කපුමහත්තයා’ නමින් හඳුන්වන තැනැත්තෙක් බවයි වාර්තා වුණේ.

ඔහුගේ 46 හැවිරිදි බිරිඳ සහ වතුපිටිවල, රණවිරු ගම්මානයේ පදිංචිව සිටි සැකකාර විශ්‍රාමික හමුදා සෙබළා අතර පැවති අනියම් සම්බන්ධතාවක් මත මෙම ඝාතනය සිදුකර ඇති බවයි මේ වනවිට කරුණු අනාවරණය වී ඇත්තේ.

සැකකාර විශ්‍රාමික හමුදා සෙබළා තම මිතුරෙකු වන ත්‍රිරෝද රියදුරා සමඟ, ත්‍රිරෝද රථයකින් පැමිණ පුංචි මහත්තයා කපුමහත්තයා නමැති පුද්ගලයා පසුගියදා කැඳවාගෙන ගොස් ඇත්තේ වතුපිටිවල ප්‍රදේශයේ පිහිටි සිය නිවසට ආරක්ෂාවක් සිදුකර දෙන ලෙස පවසමින්.

ඒ, සඳහා රුපියල් 60,000ක මුදලක් ද ලබාදෙන බවයි සැකකරු එහිදී පවසා ඇත්තේ.

එලෙස වතුපිටිවල ප්‍රදේශයට යන අතර තුර රුවන්වැල්ල – නිට්ටඹුව ප්‍රධාන මාර්ගයේ දී පුංචි මහත්තයා කපුමහත්තයා නමැති පුද්ගලයා සැකරුවන් දෙදෙනා විසින් තියුණු ආයුධයකින් ඇන ඝාතනය කර ඇති අතර, පසුව ඔහු මාර්ගයේ දමා ගොස් ඇති බවයි වැඩිදුරටත් කරුණු අනාවරණය කරගෙන ඇත්තේ.

මෙම ඝාතන සිද්ධිය සම්බන්ධයෙන් ඝාතනයට ලක් වූ පුද්ගලයාගේ බිරිඳ පිළිබඳව සැකසිතූ රුවන්වැල්ල පොලිසිය එම පොලිස් ස්ථානයේ නිලධාරීන් කිහිප දෙනෙක් ඒ පිළිබඳව විමර්ශන සඳහා සිවිල් පුද්ගලයින් ලෙස ගොඩකවෙල, ගල්වින්න ප්‍රදේශයට යවා තිබෙනවා.

විමර්ශන සඳහා එහි ගිය නිලධාරීන්ට ඝාතනයට ලක් වූ පුද්ගලයාගේ බිරිඳ වැසිකිළිය තුළට ගොස් ලබාගත් දුරකථන ඇමතුමක් සම්බන්ධයෙන් තොරතුරක් ලැබී තිබෙනවා.

එම තොරතුර අනුව සැකපිට අත්අඩංගුවට ගැනුණු කාන්තාව ඊයේ (19) රාත්‍රියේ ම රුවන්වැල්ල පොලිසියට රැගෙන ඒමටයි කටයුතු කර ඇත්තේ.

එහිදී ඇයගේ ජංගම දුරකථනය පරීක්ෂා කිරීමේ දී ඇය අනියම් සම්බන්ධතාව පැවැත් වූ ඝාතනයේ ප්‍රධාන සැකකරු වන 52 හැවිරිදි විශ්‍රාමික හමුදා සෙබළා පිළිබඳව තොරතුරු අනාවරණය කර ගැනීමට පොලිසියට හැකිව තිබෙනවා.

පසුව පොලිසිය විසින් සැකකාර කාන්තාව ලවා ඔහුට දුරකථන ඇමතුමක් ලබදෙමින්, මිය ගිය සැමියාගේ මරණ සහතිකය ලබා ගැනීමට අද (19) දිනයේ අවිස්සාවේල්ල රෝහලට පැමිණෙන ලෙසයි දන්වා ඇත්තේ.

කාන්තාවගේ එම දුරකථන ඇමතුමට අනුව අද (19) පෙරවරුවේ අවිස්සාවේල්ල රෝහලට පැමිණි සැකකරු රුවන්වැල්ල පොලිස් නිලධාරීන් විසින් අත්අඩංගුවට ගැනීමට කටයුතු කර තිබෙනවා.

මෙලෙස අත්අඩංගුවට ගැනුණු සැකකරුගෙන් සිදුකළ ප්‍රශ්න කිරීම් වලදී ඝාතනය පිළිබද තවත් කරුණු රැසක් අනාවරණය වී ඇති අතර,මෙම ඝාතනය සහාය වූ ත්‍රිරෝද රථ රියදුරා සම්බන්ධයෙන් ද සැකකරු අනාවරණය කර ඇති බව සඳහන්.

එහිදී ඔහු පවසා ඇත්තේ තමන් එම ත්‍රිරෝද රථ රියදුරුට රුපියල් 2,000ක හිඟ මුදලක් ඝාතනය සිදුකළ දින ත්‍රිරෝද රථයේ ගිය කුලී ගාස්තුව වශයෙන් ලබදීමට ඇති බවයි.

ඒ, අනුව ක්‍රියාත්මක වූ පොලිසිය එම හිඟ මුදල් ලබා ගැනීමට පැමිණෙන ලෙස දන්වා ත්‍රිරෝද රථ රියදුරාට ප්‍රධාන සැකකරු ලවා ඇමතුමක් ලබාදීමටයි කටයුතු කර ඇත්තේ.

එම දුරකථන ඇමතුමට අනුව සැකකාර ත්‍රිරෝද රථ රියදුරා අද (19) දහවල් වේයන්ගොඩ නගරයට පැමිණෙන බව දන්වා ඇති අතර, ඔහු රුපියල් 2,000ක හිඟ මුදල ලබා ගැනීමට එලෙස පැමිණි අවස්ථාවේ අත්අඩංගුවට ගැනීමට පොලිසියට හැකිව තිබෙනවා.

මෙලෙස අත්අඩංගුවට ගැනුණු සැකකාරිය සහ සැකකරුවන් දෙදෙනා අද (19) දිනයේ රුවන්වැල්ල මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබූ බව සඳහන්.

Latest

පොහොට්ටුව පසුබැහැලාමාලිමාව ඉදිරියට ඇවිල්ලා

ආණ්ඩුවේම ජගත් කුමාර ආණ්ඩුවම පට්ට ගහයි පිළිගන්නවා.. පොහොට්ටුව පසුබැහැලා මාලිමාව...

රනිල් හමුවෙලා මෙන්න තීරණය ගනී

සති අන්තයේ මේ මොකද වෙන්නේ..? පාඨලී චම්පික හදිසියේම සිරිකොතට රනිල්ගෙන් කැඳවීමක්ද...

ඔබත් ඔන්ලයින් ණයකාරයෙක්ද ? එහෙනම් මේක බැලිය යුතුමයි

සියලු හඬපට සාක්ෂි සහිතයි -ණය ගෙවන්න බැරි වුණාම ලිංගික...

පොලිස් ඇමති ටිරාන් සහ වැඩබලන පොලිස්පති දේශබන්දු ඝාතන තැතක්

රහස්‍ය බුද්ධි වාර්තාවක් පිටවෙයි පොලිස් ඇමති ටිරාන් සහ වැඩබලන පොලිස්පති...

Don't miss

රාත්‍රී ආර්ථිකය ගැන ඩයනා යළි කට අරියි

ලෝකයේ බොහෝ රටවල ආර්ථික වර්ධනය වෙනුවෙන් රාත්‍රී ආර්ථිකය වැදගත්...

දේශපාලනයේ සදාකාලික මිතුරන් හෝ හතුරන් නැහැ

දේශපාලනයේ සදාකාලික මිතුරන් හෝ හතුරන් නොමැති බව පොදුජන පෙරමුණේ...

මොන බාධක ආවත් යුක්තිය නවතන්නේ නැහැ – ටිරාන්

කුමන බලපෑම් පැමිණිය ද මත්ද්‍රව්‍ය හා පාතාලය මර්දනය කිරීමට...

සති පාසල ජාත්‍යන්තරයට ගෙන යනවා – සුසිල්

විවිධ අභියෝගවලට මුහුණදෙමින් සංකීර්ණ ඉගෙනුම් ක්‍රියාවලියක යෙදෙන වත්මන් පාසල්...

වසර මැදදී උද්ධමනය 5% ට ගේනවා – සියඹලාපිටිය

2024 වසර මැද වන විට උද්ධමන අනුපාතය 5% මට්ටමකට...

කාන්තා ප්‍රිමියර් ලීග් තරගාවලිය අදින් ඇරඹේ

මෙවර කාන්තා ප්‍රිමියර් ලීග් ක්‍රිකට් තරගාවලිය අදින් (23) ආරම්භ වනවා. තරගාවලියේ පළමු තරගය අද රාත්‍රී 8ට ඉන්දියාවේ බැංගලෝර් හිදී ආරම්භ වීමට නියමිතයි. 'දිල්ලි කැපිටල්ස් කාන්තා කණ්ඩායම'...

කඳානේ වෙඩි තැබීමට ‘කොට්ටාවේ සුද්දා’ අල්ලයි

සංවිධානාත්මක අපරාධ කල්ලි නායකයෙකු වන ගනේමුල්ල සංජීවගේ මෙහෙයවීමෙන් පසුගිය වසරේ කඳාන ප්‍රදේශයේ මාළු ව්‍යාපාරිකයකුගේ නිවසකට වෙඩි තැබීමේ සිද්ධියේ වෙඩික්කරු සමඟ පැමිණි යතුරුපැදිකරු අත්අඩංගුවට ගෙන...

හොර වීසා පෙන්වා යුරෝපෙට පනින්න ගිය දෙදෙනෙක් අල්ලයි

කූඨ ලෙස සකස් කළ ග්‍රීක සංචාරක වීසා භාවිතා කරමින් යුරෝපය වෙත පළා යාමට තැත් කළ තරුණයන් දෙදෙනෙකු අත්අඩංගුවට ගෙන තිබෙනවා. අප වාර්තාකරු පැවසුවේ කටුනායක ගුවන්තොටුපොළ...

LEAVE A REPLY

Please enter your comment!
Please enter your name here