හාලිඇල බෝගොඩ ප්රදේශයේ කුලී වැඩට ගිය මව සොයා යාමේදී පිහිල්ලේ දිය කඳුරෙන් එගොඩවීමට ගොස් සැඩ දිය පහරකට හසුව ගසාගෙන ගොස් අතුරුදහන් වූ අයියාගේ සහ නංගිගේ සිරුරු හමු වූ බව හාලිඇල පොලීසිය පවසයි.
නංගිගේ මළසිරුර කිලෝමීටරයක් පමණ දුරකින් පිහිටි දොඩම්ගොල්ල කදුරේ ලී කොටයක සිරවී තිබියදී සොයාගෙන ඇති අතර අයියාගේ මළ සිරුර කිලෝමීටර් එකහමාරක් පමණ දුරින් ඔය පහරේ තිබියදී සොයාගත් බවයි පොලීසිය පවසන්නේ.
ඊයෙ (23) පාසල් ගොස් නිවසට පැමිණ ඇති මොවුන් දෙදෙනා සවස පතිත වූ ධාරානිපාත වර්ෂාවත් සමඟ බියවී කුලී වැඩට ගිය සිය මව සොයාගෙන නිවසට නුදුරින් එගොඩ ගොඩේ නිවසකට යාම සදහා බෝගොඩ පිහිල්ලේ දිය කදුරෙන් එගොඩවීමට යාමේදී මෙසේ සැඩ දිය පහරකට හසුව ගසාගෙන ගොස් තිබේ.