මෙටා සමාගම විසින් වට්සැප් යෙදුමේ වෙනසක් සිදු කර තිබේ.
ඔවුන් තීරණය කර ඇත්තේ එකම වට්ස්ඇප් ගිණුම දුරකථන හතරක් දක්වා භාවිතා කිරීමේ හැකියාව ලබා දීමටයි.
මෙටා සමාගමේ ප්‍රධාන විධායක මාර්ක් සකර්බර්ග් සිය නිල ෆේස්බුක් ගිණුමේ මේ බව දක්වා තිබේ.
ඒ අනුව වට්ස්ඇප් භාවිතා කරන්නන් තවදුරටත් ඔවුන්ගේ ගිණුම තනි දුරකථනයකින් භාවිතා කිරීමට පමණක් සීමා නොවන අතර ඉදිරියේදී මෙම අලුත් අත්දැකීම විඳගැනීමට සූදානමින් සිටින ලෙසයි මෙටා සමාගම සිය පරිශීලකයින්ට දැනුම් දී ඇත්තේ.
