තමා ආරක්ෂාව සපයමින් සිටි රජයේ අමාත්‍යවරයෙක්ව වෙඩිතබා ඝාතනය කිරීමට උගන්ඩා හමුදා සෙබළෙක් කටයුතු කර ඇති බව විදෙස් මාධ්‍ය පවසයි.
මෙලෙස වෙඩි තබා ඝාතනය කර ඇත්තේ විශ්‍රාමික හමුදා කර්නල්වරයෙක් වන නියෝජ්‍ය අමාත්‍යවරයෙක් ලෙසද කටයුතු කළ ඔකේලෝ එන්ගෝලායි. ඔහුගේ නිවස තුළදීම වෙඩි තබා ඔහු මරණයට පත්කර තිබේ.
නියෝජ්‍ය අමාත්‍යවරයා ඝාතනය කිරීමට හේතුව මෙතෙක් අනාවරණය වී නොමැති අතර ඔහුට වෙඩි තැබූ හමුදා සෙබළාද වෙඩිතබා ගෙන සියදිවි හානිකරගෙන ඇති බවයි විදෙස් මාධ්‍ය වාර්තා කරන්නේ.