මන්නාරම ප්‍රධාන පාලම මතදී ත්‍රීරෝද රථයක් සහ ජිප් රථයක් ගැටී සිදු වූ අනතුරකින් එක් අයෙකු මිය ගොස් තවත් 05 දෙනෙකු බරපතල තුවාල ලබා තිබෙනවා.
ඊයේ (24) මෙලෙස අනතුරට ලක්වී ඇත්තේ වව්නියාවේ සිට මන්නාරමට ධාවනය වූ ත්‍රී රෝද රථයක් සහ මන්නාරම සිට කල්ලඩි දෙසට ධාවනය වූ ජිප් රථයක් මුහුණට මුහුණ ගැටීමෙන්.
අනතුරට ලක්වූ ත්‍රී රෝද රථයේ ගමන් කර ඇත්තේ මන්නාරම ප්‍රදේශයේ පැවති මංගල උත්සවයක් සඳහා ගිය එකම පවුලේ 5 දෙනෙක්. ත්‍රීරෝද රථයේ රියදුරු එම ස්ථානයේදීම මිය ගොස් ඇතැයි සඳහන්.
අනතුරින් බරපතල තුවාල ලැබූ කාන්තාවක් සහ අවුරුදු 4,6,9 යන වයස්වල දරුවන් තිදෙනා මන්නාරම රෝහලට ඇතුලත් කර තිබෙනවා. ජිප් රථ රියදුරුගේ අධික වේගය මෙම අනතුරට හේතුව බව සැක පළ කරන අතර අනතුර සමබන්ධයෙන් මන්නාරම පොලිසිය වැඩිදුර පරික්ෂණ සිදු කරනවා.