පොළොන්නරුව, මඩකලපුව මාර්ගයේ මියන්කුලම ප්‍රදේශයේදී ඊයේ (04) වෑන් රථයක් අනතුරට ලක්ව තිබේ.
පොලිසිය පවසන්නේ පොළොන්නරුව දෙස සිට සේරුවිල දෙසට ධාවනය වූ වෑන් රථයක පිටුපස ටයරය පුපුරා යාමෙන් වෑන් රථය මාර්ගයෙන් ඉවතට පැන බෝක්කුවකට පෙරළීමෙන් මෙම අනතුර සිදුව ඇති බවයි.
මෙම අනතුරෙන් වෑන් රථයේ ගමන් කළ පුද්ගලයන් 3 දෙනෙකු, කාන්තාවන් 06 දෙනෙකු සහ කුඩා දරුවන් දෙදෙනෙකු තුවාල ලබා වාලච්චේන රෝහලට ඇතුළත් කර වැඩිදුර ප්‍රතිකාර සඳහා මඩකලපුව රෝහලට මාරු කර යවා ඇත.
මෙම පිරිස වැලිකන්ද ප්‍රදේශයේ පදිංචිකරුවන් වන අතර වන්දනා ගමනක් යමින් සිටියදී මෙම අනතුරට පත්ව ඇති බවයි අනාවරණය වී ඇත්තේ.
වාලච්චේන පොලිසිය විසින් වැඩිදුර විමර්ශන සිදුකරනු ලබයි.