සිමෙන්ති ඇතුළු ගොඩනැගිලි ද්‍රව්‍යවල මිල මේ වනවිට 25%කින් පමණ අඩුවිය යුතු බව ඉදිකිරීම් කර්මාන්ත නිපුණතා කවුන්සිලයේ සභාපති නිශාන්ත වික්‍රමසිංහ පවසයි.
ඩොලරයට සාපේක්ෂව රුපියල ශක්තිමත් වීමේ වාසිය ජනතාවට ලබාදිය යුතු බවයි ඔහු සඳහන් කළේ.
එසේ නොකිරීමෙන් නිෂ්පාදකයින් සහ ආනයනකරුවන් විශාල ලාභයක් උපයමින් සිටින බවත් මිල ඉහළ යාම හමුවේ මේ වනවිට තත්වයෙන් බාල යකඩ කම්බි සහ තීන්ත ආලේපන වෙළඳපොලේ පවතින බවත් ඔහු අවධාරණය කළේය.